Fyrrige kvende og friborne menn

Fyrrige kvende og friborne menn

Revy, allsong og dans på Dahlaneset, Mosterhamn

Fredag 31. mai 2013 kl. 20.30

Aldersgrense 18 år

 ”Fyrrige kvende og friborne menn” er ein ellevill revy spesiallaga for Moster og Mostraspelhelga.

 Bømlo Revylag har satt saman ein revy med gamle og nye nummer, med tanke på å skapa best mogleg stemning blant publikum.

 Det blir ein heilkveld med revy, allsong og dans, i ein laus og uformell setting.

 Bømlo Revylag stiller med Finn M. Dynes, Marianne Grønnevik, Anette Solstrand, Aina Størksen, Gunnar Ersland og Kurt Inge Larsen.

NB! Kun ein forestilling.  Det er avgrensa plass, så kjøp billett tidleg.  Ikkje la denne hendinga passera utan at du er med.....

Du finn meir info på www.bomlorevylag.com

Historisk foredrag

Svein Tindberg
Historisk foredrag i Moster gamle kyrkje

Laurdag 1. juni kl 13.00

Jubileumskonsert Moster Amfi

Bømlo kommune 50 år - Jubileumskonsert 1. juni

Konsertstart kl 20.00

Intimkonsert Ina Nes og David Nilsen

Moster Amfi, Amfisalen 28. juli

Ina Ingeborg Nes

David Nilsen

Mezzosopran Ina Ingeborg Nes og pianist David Nilsen inviterar til ein sommarleg konsert med songar og klaverstykke om lengsel og kjærleik. Det vert eit variert repertoar frå dei siste 400 åra - frå Purcell til Yann Tiersen, frå Grieg til Radka Toneff.

Ina og David møttes på Toneheim Folkehøgskule i 2008, der dei studerte hhv. klassisk song og piano. Dei samarbeida ein del der, og har etterpå teke musikkutdanning på kvar sin front.

Ina har vore solist ved mange tilhøve, ofte knytt til kor ho har sunge i. Ho starta sitt første kor “Luciakoret” som 15-åring, og har mellom anna hatt framtredande roller i oppsetjingar av bl.a. Tryllefløyten og Tolvskillingsoperaen. No går ho på Kungliga Musikhögskolan i Sverige, der ho studerar korleiing, og jobbar som dirigent og songpedagog ved sidan av. Ina har dei siste åra vore omvisar hos oss og har i den samanheng gleda gjestene våre med vakker song i omvisinga.

David har spela piano så lenge han kan hugse, og har akkompagnert klassisk og nyare song i ei årrekkje, blant anna knytta til operaskulemiljøet i Stjørdal, damekoret Cantus, og Redd Barnas musikkteatergruppe Rett På Sparket i Trondheim. Han er og ein dyktig og allsidig solo pianist med kjærleik for Chopin.

Velkommen!